I dërguari i SHBA-ve për Ballkanin Perëndimor, Gabriel Escobar, ka folur për draft-statutin e Asociacionit duke thënë se Qeveria e Kosovës ende nuk kanë dhënë ndonjë përgjigje konkrete, nëse e pranojnë ashtu siç është.
Sipas tij, SHBA-ja e ka të vështirë të kuptojë se pse nuk do Qeveria ta dorëzojë atë për shqyrtim kushtetues.
Ai ri-përsëriti se Asociacioni nuk do të ishte një ‘Republika Srpska’ brenda Kosovës.
“Pra, ne ende do ta inkurajonim Kosovën që të ecë përpara. Nuk do të ishte shtet brenda shtetit. Nuk ka asgjë në statut që lejon autoritete ekzekutive, pushtete ekzekutive, apo ndonjë gjë që mund të krijojë çështje kushtetuese apo funksionale për Kosovën”, tha Escobar.
“Është thjesht mundësi që komunat me shumicë serbe, të koordinojnë ofrimin e shërbimeve komunale në gjuhën serbe për qytetarët e Kosovës. Kjo është. Dhe është një detyrim ligjërisht i detyrueshëm. Pra, ne kemi dëgjuar shumë arsye të ndryshme pse nuk është dorëzuar ose pse nuk ka ecur përpara, por ne i refuzojmë të gjitha. Duhet të ecë përpara dhe duhet të ecë përpara sa më shpejt të jetë e mundur”, u shpreh ai.
Escobar beson se gjithë çështja e dinarit do të mund të zgjidhej përmes Asociacionit.
“Asociacioni, siç rekomandohet nga Bashkimi Evropian, nga përfaqësuesi special i BE-së, përfshin dispozita për transferimin transparent të parave nga Serbia tek ata që kanë të drejtë në Kosovë përmes një mekanizmi transparent sipas ligjit të Kosovës dhe brenda kornizës kushtetuese të Kosovës. . Pra, vetë shoqata do ta zgjidhte çështjen e dinarit dhe kështu dëshirojmë që Kosova të ecë përpara sa më shpejt”, ka deklaruar Escobar./Arbresh.info/
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...